一年多前 .. 一個咩都可以發生o既平台 .. 一個莫名其妙o既機會 .. 為我地帶黎左一個美麗o既【童話】..

一把尚算清新甜美的聲線 .. 但係技巧稚嫩，感情欠奉！一個樣貌身型都同成為一位歌手o既合格水準相距甚遠o既歌手突然"破格出現" ..

自己覺得呢個神話o既出現，歸功於天時地利 ..
　- 大家對現存o既流行曲風聽得都有 d 膩
　　(呼天搶地o既內容 .. Full 到聽唔切 o既 Arrangement ..)
　- 當時遊園快將啟用 .. 市場對之充滿憧憬
　　(任何相關o既野都大收免費宣傳 ..)
　- 國內已出現一首"超"大收旺場之網絡歌曲
　　(港人總不能敗於國內同胞吧 !? ..)
.. 就係咁 .. 大家都為佢當時o既呢曲歡呼叫好，一時間將佢呢隻o既創作捧成本地神話 ..

網絡歌曲 .. 雖然水平參差 .. 當中亦不乏好貨色。但若論曲詞編唱錄，其實細心一聽 .. 此曲旋律，還不是走不出一般港式流行曲模式？錄音方面只屬平平 .. 雜訊不少！歌唱部份 .. 聲線實係不錯 .. 不過仍有不穩甚至”走音”情況 .. 未為大將之材。居功實係在於作詞者用字o既心思、編曲者只以簡單琴音櫬托 .. 先能為各位受眾聽出所謂之"清新可人"！試想像此曲題材並非以遊園為背景 .. 真會有當日之威力 ?

唔係想要否定當日大家對此曲o既喜愛 .. 只係感覺到 .. 一直以黎大家都只係留意到於人前演繹o既歌者 .. 係唔係對幕後一班同樣有付出o既人未有重視呢 ?